November 18, 2018

We ❤️ New Cars!

New Car News in Burmese

ဖြတ်ပိုင်းထုတ်ပေးတဲ့ ပြေစာစနစ်နဲ့ပြောင်းလဲပြေးဆွဲသွာတော့မယ့် Power Eleven ကုမ္ပဏီ 

ရန်ကုန်တိုင်းဒေသမှာ ပြေးဆွဲလျက်ရှိနေတဲ့ Power Eleven ကုမ္ပဏီဟာတော့ ခရီးသည်တွေအတွက် ယာဉ်စီးခပေးချေမှုဖြတ်ပိုင်းထုတ်ပေးတဲ့ ပြေစာစနစ်နဲ့ YBS အမှတ် ၂၁ ယာဉ်လိုင်းမှာ စတင်ပြောင်းလဲအသုံးပြုသွားမှာဖြစ်တယ်လို့ ကုမ္ပဏီကပြောကြားထားကြောင်းသိရှိရပါတယ်။ ယာဉ်စီးခပေးဆောင်ရတဲ့အခါမှာ ခရီးသည်အများစုကမှန်မှန်ကန်ကန်ပေးဆောင်ကြပေမယ့် အချို့ခရီးသည်တွေအနေနဲ့ သတ်မှတ်ယာဉ်စီးခထက် နည်းတဲ့ပမာဏကိုပေးဆောင်မှုတွေ၊ ယာဉ်စီးခမထည့်သွင်းပဲ စီးနှင်းမှုတွေ ရှိနေတာကြောင့် ကုမ္ပဏီအနေနဲ့ အခုလို ယာဉ်စီးခပေးချေပြီးကြောင်း ပြေစာထုတ်ပေးတဲ့စနစ်ကိုပြောင်းလဲဖို့ YRTA ကိုတင်ပြထားကြောင်းသိရှိရပါတယ်။ ဒီအကြောင်းနဲ့ပတ်သက်ပြီး Power Eleven ကုမ္ပဏီရဲ့ အုပ်ချုပ်မှုဒါရိုက်တာတစ်ဉီးက “YBS ဘတ်စ်ကားစနစ်မှာ ယာဉ်စီးခပေးချေတာကို ပြေစာထုတ်ပေးတဲ့ စနစ်ပြောင်းလဲသွားဖို့ရှိပါတယ်။ ကားပေါ်တက်ပြီး ယာဉ်စီးခ ပေးလိုက်တာနဲ့ယာဉ်မောင်းက စက်ရဲ့ Screen ကိုနှိပ်ပြီး ပြေစာထုတ်ပေးသွားမယ်။ ပြေစာ (သို့) ယာဉ်စီးခပေးပြီးကြောင်း လက်မှတ် တစ်ခုခုနဲ့ပြောင်းလဲဖို့ YRTA ကိုတင်ပြပြီး မကြာခင် လုပ်ဆောင်သွားမှာပါ။” လို့ပြောကြားခဲ့ကြောင်းသိရှိရပါတယ်။ […]

Auto News

ကတ်စနစ်ယာဉ်စီးခ စနစ်စတင်အသုံးပြုချိန်တွင် ယာဉ်စီးခ ကောက်ခံနေတဲ့ မီနီဘတ်စ်ကားပြေးဆွဲခွင့်ကန့်သတ်မည်ဟုဆို 

လက်ရှိမှာတော့ YBS ယာဉ်လိုင်းတွေမှာ ကတ်စနစ်နဲ့ အသုံးပြုနိုင်တဲ့ YPS (Yagon Payment Service) စနစ်အတွက် Asia Starmar Transport Intelligent ကုမ္ပဏီဟာ တင်ဒါအောင်မြင်သူအဖြစ်ရွေးချယ်ခြင်းခံရပြီး အခုနှစ်အတွင်း YPS စနစ်ကိုစတင်အကောင်အထည်ဖော်သွားတော့မှာပဲဖြစ်ပါတယ်။ YPS စနစ် အကောင်ထည်ပေါ်သွားပြီး စတင်အသုံးပြုမယ့်အချိန်ကျရင် ယာဉ်အနောက်မှ ယာဉ်စီးခ ကောက်ခံနေတဲ့ မီနီဘတ်စ်ကားပြေးဆွဲခွင့်ကို ကန့်သတ်သွားမယ့်အကြောင်းကိုတော့ အများပြည်သူသယ်ယူပို့ဆောင်ရေးကြီးကြပ်မှု အာဏာပိုင်အဖွဲ့ထံကပြောကြားခဲ့တယ်လို့ သိရှိရပါတယ်။ အများပြည်သူသယ်ယူပို့ဆောင်ရေးကြီးကြပ်မှု အာဏာပိုင်အဖွဲ့ရဲ့ တာဝန်ရှိသူတစ်ဉီးက “YBS ကားတွေမှာ ကတ်စနစ်လုပ်ရင် ယာဉ်နောက်လိုက်နဲ့ ကားခကောက်နေတဲ့ မီနီဘတ်စ်ကားတွေ ပြေးဆွဲတာကိုကန့်သတ်တာ တွေလုပ်မှာပါ။ YPS ကတ်စနစ်က စာချုပ်စာတမ်းတွေနဲ့ ညှိနှိုင်းတာတွေ လုပ်ပြီးရင် YBS ကားတွေမှာ ကတ်စနစ်ကို အမြန်ဆုံး တပ်ဆင်အသုံးပြုနိုင်အောင် လုပ်ဆောင်သွားမှာပါ။” လို့ ပြောကြားခဲ့ကြောင်းလည်း […]

Auto News

တစ်ဉီးချင်းပိုင်ယာဉ်လိုင်းအချို့ကို YRTA ထံပြန်လည်အပ်နှံလိုက်တဲ့ OMINI Focus ကုမ္ပဏီ

Omini Focus ကုမ္ပဏီရဲ့ အုပ်ချုပ်မှု လက်အောက်မှာရှိနေတဲ့ တစ်ဉီးချင်းပိုင်ယာဉ်လိုင်းတွေဖြစ်တဲ့ YBS အမှတ် ၂၇၊ အမှတ် ၈၅ တို့ကို Yagon Region Transport Authority (YRTA) ထံပြန်လည် အပ်နှံလိုက်ပြီဖြစ်တယ်လို့သိရပါတယ်။ အများပိုင်ယာဉ်လိုင်းစနစ်နဲ့ သာ ဆောင်ရွက်သွားချင်တာကြောင့် အခုလို ဆောင်ရွက်ရခြင်းဖြစ်တယ်လို့ လဲသိရှိရပါတယ်။ ယာဉ်လိုင်းပြန်လည် အပ်နှံမှုနဲ့ပတ်သက်ပြီး Omini Focus ကုမ္ပဏီရဲ့ မန်နေဂျင်းဒါရိုက်တာဖြစ်သူက “ကုမ္ပဏီမှာရှိတဲ့ တစ်ဉီးတစ်ယောက်ချင်းပိုင် ယာဉ်လိုင်း ၂ ခုဖြစ်တဲ့ အမှတ် ၂၇ နဲ့ ၈၅ ယာဉ်လိုင်းတွေကို YRTA ကိုပြန်အပ်ဖို့တော့တင်ပြထားတယ်။ ရေရှည်မှာ အများပိုင်စနစ်သွားနေတာဆိုတော့ တစ်ဉီးတစ်ယောက်ချင်းပိုင်ယာဉ်လိုင်းတွေကို မအုပ်ချုပ်ချင်တော့ဘူး။ အခု အဲ့ဒီယာဉ်လိုင်း ၂ လိုင်းကို YRTA ထံပြန်ပေးထားတယ်။” ဟုပြောကြားခဲ့ကြောင်းသိရှိရပါတယ်။ YRTA […]

Auto News

စတင်ပြေးဆွဲနေပြီဖြစ်တဲ့ Airport Shuttle အမြန်ယာဉ်လိုင်းအသစ် 

ရန်ကုန်အပြည်ပြည်ဆိုင်ရာလေဆိပ်ကနေ ရန်ကုန်ဘူတာကြီးအထိ ကမ္ဘာအေးဘုရားလမ်းမကြီးအတိုင်း ပြေးဆွဲသွားမယ့် YBS Airport Shuttle ဟာတော့ ဒီနေ့ ဇွန်လ ၂၂ ရက်နေ့ကစတင်ပြီး ပြေးဆွဲနေပြီဖြစ်ပါတယ်။ လေဆိပ်ကနေ ဆူးလေအထိတစ်ဉီးကို  ၅၀၀ ကျပ်နှုန်းနဲ့ စီးနှင်းလိုက်ပါရမှာဖြစ်ပေမယ့် ဒီနေ့ဟာ ပထမဉီးဆုံးစတင်ပြေးဆွဲတဲ့ ရက်ဖြစ်တာကြောင့် အခမဲ့ပြေးဆွဲပေးသွားတာဖြစ်တယ်လို့သိရပါတယ်။ စတင်ပြေးဆွဲမှုနဲ့ပတ်သက်ပြီး YBS Airport Shuttle ယာဉ်မောင်းတစ်ဉီးက “ဒီနေ့တော့ စတင်ပြေးတာဆိုတော့ အခမဲ့ပါ။ ကျန်တဲ့နေ့တွေဆိုရင်တော့ လေဆိပ်ကနေ ဆူးလေအထိ ၅၀၀ ကျပ်ပါ။ ကျွန်တော်တို့ကအခြား YBS ကားတွေလိုမှတ်တိုင် တိုင်းမရပ်ပါဘူး။ လေဆိပ်ခရီးသည်တွေအဆင်ပြေဖို့အတွက် လုပ်တာပါ။ တကယ်လို့ ခရီးသွားပြည်သူတွေက မှတ်တိုင်တိုင်းရပ်စေချင်ရင် ကုမ္ပဏီကိုလှမ်းဆက်ပါ။ ခုလောလောဆယ်တော့ ကုမ္ပဏီကရပ်ခိုင်းတဲ့မှတ်တိုင်တွေပဲရပ်ပါတယ်” လို့ပြောကြားခဲ့ကြောင်း သိရပါတယ်။ Airport Shuttle ယာဉ်လမ်းကြောင်းမှာဆိုရင် မှတ်တိုင် ၁၈ ခုရှိနေမှာဖြစ်ပြီး လေယာဉ်ဆိုက်ရောက်ချိန်တွေနဲ့ […]

Auto News

ရန်ကုန်လေဆိပ်မှ ဘူတာကြီးအထိ ယာဉ်စီးခ ၅၀၀ ကျပ်နဲ့ပြေးဆွဲသွားမယ့် Airport Shuttle အမြန်ယာဉ်လိုင်း

Airport Shuttle အမြန်ယာဉ်လိုင်းအသစ်ဟာ ယာဉ်စီးခ ၅၀၀ ကျပ်နဲ့ ရန်ကုန်လေဆိပ်ကြီးကနေ ရန်ကုန်ဘူတာကြီးအထိ ဇွန်လ ၂၂ ရက်နေ့ကစတင်ပြီး ပြေးဆွဲသွားမှာဖြစ်တယ်လို့ Omni Focus ကုမ္ပဏီကနေတဆင့် သိရှိရတယ်လို့ ဆိုထားပါတယ်။ Airport Shuttle အမြန်ယာဉ်လိုင်းအသစ်ဟာ လေဆိပ်ကြီးကနေ ဘူတာကြီးအထိ ပထမဉီးဆုံးပြေးဆွဲပေးမယ့် ယာဉ်လိုင်းအသစ်တစ်ခုဖြစ်ပြီး အပြည်ပြည်ဆိုင်ရာလေဆိပ်၊ ၈ မိုင်လမ်းဆုံ၊ ရန်ကုန်ဟိုတယ်၊ နဝဒေးရုပ်ရှင်ရုံ၊ ကမ္ဘာအေးဘုရားလမ်း၊ Sedona Hotel၊ မြန်မာပလာဇာ၊ Melia Hotel၊ Excel ဟိုတယ်၊ ရွှေဂုံတိုင်၊ ရွှေတိဂုံဘုရား၊ တိရစ္ဆာန်ဉယာဉ်၊ Park Royal ဟိုတယ်၊ သမ္မတရုပ်ရှင်ရုံ၊ Shangri-La ဟိုတယ်၊ Sule Square၊ ဆူလေးဘုရား၊ ရန်ကုန်ဘူတာကြီး အထိ လမ်းခရီးတစ်လျှောက်မှတ်တိုင် ၁၆ ခုမှာ ခရီးသည်အတင်အချပြုလုပ်ပေးသွားမှာဖြစ်တယ်လို့ […]

Auto News

YPS အတွက်တင်ဒါအောင်မြင်သူအဖြစ်သတ်မှတ်ခြင်းခံလိုက်ရပြီဖြစ်တဲ့ Asia Starmar Transport Intelligent Co., Ltd

YBS ယာဉ်လိုင်းတွေမှာ ကတ်နဲ့အသုံးပြုနိုင်တဲ့ YPS (Yagon Payment Service) စနစ် ကိုပြုလုပ်ဖို့ ရန်ကုန်တိုင်းဒေသကြီး အစိုးရအဖွဲ့ တင်ဒါစိစစ်ကြီးကြပ်ရေးအဖွဲ့က ကုမ္ပဏီပေါင်း ၂၁ ခုကိုရွေးချယ်ခဲ့ပြီး ရွေးချယ်ထားတဲ့ ကုမ္ပဏီတွေထဲက စကာတင်အဖြစ် Anypay Payment Services, Asia Starmar Transport Intelligent နဲ့ Excel KC Myanmar အစရှိတာတွေကို ရွေးချယ်ခဲ့တာဖြစ်ပါတယ်။ Excel KC Myanmar ဟာ စတင်ကာတင်ကုမ္ပဏီတွေထဲက ပထမဉီးဆုံး တင်ဒါအောင်မြင်မှုရရှိခဲ့တဲ့ ကုမ္ပဏီတစ်ခုဖြစ်ခဲ့ပေမယ့် Excel KC Myanmar နဲ့ ပူးပေါင်းကုမ္ပဏီတစ်ခုဖြစ်တဲ့ Acer ဟာပူးပေါင်းမှုကနေ နှုတ်ထွက်သွားတာကြောင့် ပြီးခဲ့တဲ့ ဧပြီ ၂၁ ရက်နေ့က YPS တင်ဒါအောင်ကုမ္ပဏီတစ်ခုအဖြစ်မှ ပယ်ချခြင်းခံလိုက်ရတာပဲဖြစ်ပါတယ်။ တင်ဒါစိစစ်ကြီးကြပ်ရေးအဖွဲ့အနေနဲ့ […]

Auto News

အိုဟောင်းယာဉ်အဖြစ်အပ်နှံဖို့ YBS အစီး ၁၀၀ ကျော်ကျန်ရှိ

လက်ရှိမှာ ၁၉၉၈ မော်ဒယ်နဲ့ အောက် YBS ခရီးသည်တင်ယာဉ် အစီး ၁၀၀ ကျော်ကို အိုဟောင်းယာဉ်အဖြစ် အပ်နှံဖို့ ကျန်ရှိနေသေးတာဖြစ်တယ်လို့ ကုန်းလမ်းပို့ဆောင်ဆက်သွယ်ရေးညွှန်ကြားရေးမှူးဉီးစီးငှာနကတဆင့်သိရှိရပါတယ်။ ပြီးခဲ့တဲ့ ဧပြီလ ၁ ရက်နေ့ကစတင်ပြီး ၁၉၉၈ မော်ဒယ်အောက် YBS ယာဉ်ဟောင်းတွေကို အိုဟောင်းယာဉ်အဖြစ်မအပ်နှံပါက ယာဉ်လိုင်းအတွင်းမှထုတ်ပယ်ခဲ့ပေမယ့် ပြီးခဲ့တဲ့ မေလအကုန်အထိ အပ်နှံဖို့ အစီး ၁၀၀ ကျော်ကျန်ရှိနေသေးတာပဲဖြစ်ပါတယ်။ YBS စနစ်စတင်ပြောင်းလဲတဲ့ အချိန်ကစတင်ပြီး YBS ယာဉ်တွေကို မော်ဒယ်အလိုက် အိုဟောင်းယာဉ်အဖြစ် အပ်နှံပြီး လူစီးစလစ်ထုတ်ပေးခဲ့တာဖြစ်တယ်လို့ သိရပါတယ်။ ယာဉ်အပ်နှံပြီးလူစီးစလစ်ထုတ်လုပ်ပေးမှုကိုတော့ ပြီးခဲ့တဲ့ ၂၀၁၇ နိုဝင်ဘာလကစတင်ခဲ့တာဖြစ်ပါတယ်။ လက်ရှိမှာတော့ ၁၉၉၈ မော်ဒယ်အောက် YBS ယာဉ် ၃၆၉ စီးအပ်နှံခွင့်ပြုထားပြီး မေလကုန်အထိ City Bus ၃၃၁ စီး၊ […]

Auto News

YBS ယာဉ်တွေနယ်ကျော် အော်ဒါလိုက်မောင်းနှင်ပါက ဉပဒေအရအရေးယူခြင်းခံရမည်

ရန်ကုန်မြို့အတွင်း နယ်ကျော်အော်ဒါလိုက်မောင်းနှင်နေတဲ့ YBS ယာဉ်တွေကို ယာဉ်လိုင်းပြေးဆွဲခွင့်နဲ့ CNG ထုတ်ယူခွင့်ကို ဉပဒေအရပိတ်သိမ်းသွားမှာဖြစ်တယ်လို့ ရန်​ကုန်​တိုင်း​ဒေသကြီး အများပြည်​သူ သယ်​ယူပို့​ဆောင်​​ရေး ကြီးကြပ်​မှုအာဏာပိုင် ကနေသိရှိရပါတယ်။ လက်ရှိရန်ကုန်တိုင်းဒေသကြီးမှာ ခရီးသည်တင်ယာဉ်တွေကိုပေးအပ်ထားတဲ့ လုပ်ငန်းလိုင်စင်ဟာရန်ကုန်မြို့တွင်းမှာသာ ပြေးဆွဲခွင့်ပြုထားတာဖြစ်ပါတယ်။ နယ်ကျော်ပြီးပြေးဆွဲနေတဲ့ ခရီးသည်တင်ယာဉ်တွေကို တွေ့ရှိပါက ယာဉ်လိုင်းပြေးဆွဲခွင့်နဲ့ CNG ထုတ်ယူခွင့်ကို ဉပဒေအရ ပိတ်သိမ်းသွားမှာပဲဖြစ်ပါတယ်။ အများပြည်​သူသယ်​ယူပို့​ဆောင်​​ရေး ကြီးကြပ်​မှု အာဏာပိုင်​အဖွဲ့ တာဝန်​ရှိသူတစ်​ဦးကလည်း နယ်ကျော်အော်ဒါလိုက်မောင်းနှင်မှုနဲ့ပတ်သက်ပြီး “တစ်​ချိူ့ YBS ကား​တွေက နယ်​​ကျော်​ပြီး​ပြေးဆွဲ​နေတာရှိ​နေတယ်။​ အရင်​က​တော့ ဒဏ်​​ကြေးနဲ့ပဲ အခု ယာဉ်​လိုင်​း​ပြေးဆွဲတာနဲ့ CNG ကိုလည်​း ပိတ်​သိမ်​းသွားမယ်​။“ လို့ပြောကြားခဲ့တာဖြစ်ပါတယ်။ ရန်ကုန်မြို့အတွင်းမှာပြေးဆွဲနေတဲ့ YBS ယာဉ်တွေထဲမှာ တချို့ယာဉ်တွေဟာ နယ်ကျော်ပြေးဆွဲနေတာဖြစ်ပြီး လက်ရှိမှာ နယ်ကျော်ပြေးဆွဲခဲ့သောယာဉ် ၂၅ စီးကို ဉပဒေအရအရေးယူပြီးပြီဖြစ်ကြောင်းလည်းသိရှိရပါတယ်။

Auto News

Yagon Payment service (YPS) မှာပဏာမတင်ဒါအောင်မြင်မှုရရှိခဲ့တဲ့ Excel KC Myanmar ကိုတင်ဒါစာရင်းမှပယ်ဖျက်

ယာဉ်လိုင်းတွေမှာ ကတ်စနစ်ငွေပေးချေမှု (YPS)  ပြုလုပ်နိုင်ဖို့ Excel KC Myanmar ကို တင်ဒါအောင်ကုမ္ပဏီတစ်ခုအဖြစ်သတ်မှတ်ထားပေမယ့် လုပ်ငန်းစဉ်နဲ့ကိုက်ညီမှုမရှိ တော့တာကြောင့် တင်ဒါအောင်ကုမ္ပဏီအဖြစ်မှ ပယ်ဖျက်လိုက်ပြီပဲ ဖြစ်ပါတယ်။ Excel KC Myanmar ဟာ YPS ရဲ့တင်ဒါအောင်ကုမ္ပဏီအဖြစ်မှ ပယ်ဖျက်ခြင်းခံလိုက်ရတဲ့အကြောင်းကိုတော့ ပြီးခဲ့တဲ့ ဧပြီ ၂၁ ရက်နေ့၊ နံနက် ၁ နာရီမှာ Yangon Region Government Tenders ကပဲတရားဝင်ကြေညာခဲ့တာဖြစ်ပါတယ်။ တင်ဒါစိစစ်ကြီးကြပ်ရေးအဖွဲ့ဟာ ရန်ကုန်တိုင်းဒေသကြီးမှာပြေးဆွဲနေတဲ့ YBS ကတ်စနစ်အတွက် တင်ဒါကုမ္ပဏီ ၂၁ ခုကို ထည့်သွင်းရွေးချယ်ခဲ့တာဖြစ်ပါတယ်။ ထည့်သွင်းရွေးချယ်ထားတဲ့ ကုမ္ပဏီ ၂၁ ခုထဲကမှ Anypay Payment Services, Asia Starmar Transport Intelligent နဲ့ Excel KC […]

Auto News

သင်္ကြန် ၄ ရက်တာကာလအတွင်း YBS နဲ့ပတ်သက်ပြီးတိုင်ကြားမှု ၇၀ ကျော်ရှိနေ

အတာသင်္ကြန် ၄ ရက်တာကာလအတွင်း YBS ယာဉ်တွေနဲ့ပတ်သက်ပြီး ပြည်သူတွေရဲ့ Hot line ကိုတိုက်ရိုက် တိုင်ကြားမှုဟာ ၇၀ ကျော်အထိရှိနေတယ်လို့ အများပြည်သူသယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့ အထွေထွေအတွင်းရေးမှူး ရဲ့ပြောကြားချက်ကတစ်ဆင့်သိရှိခဲ့ရပါတယ်။ တိုင်ကြားမှုပေါင်း ၇၀ ကျော်မှာ ခရီးအစအဆုံးပြေးဆွဲခြင်းမရှိတဲ့အမှု၊ ယာဉ်လုပ်သားတွေရိုင်းပြစော်ကားတဲ့အမှု နဲ့ သတ်မှတ်ထားတဲ့ယာဉ်စီးခထက်ပိုမိုကောက်ခံတဲ့အမှု အစရှိတာတွေပါဝင်ပါတယ်။ ခရီးအစအဆုံးပြေးဆွဲခြင်းမရှိတဲ့အမှု နဲ့ ယာဉ်လုပ်သားတွေရိုင်းပြစော်ကားတဲ့အမှု အတွက်တိုင်ကြားမှုကအနည်းငယ်သာရှိနေပြီး သတ်မှတ်ထားတဲ့ယာဉ်စီးခထက်ပိုမိုကောက်ခံတဲ့အမှုက တိုင်ကြားမှုရဲ့ထက်ဝက်ကျော်လောက်အထိရှိနေတယ်လို့သိရပါတယ်။ သင်္ကြန်အတွင်း တိုင်ကြားထားတဲ့အမှုတွေကိုလက်ရှိမှာ ကိုင်တွယ်ဆောင်ရွက်ဉီးမှာမဟုတ်သေးပဲ အာဏာပိုင်အဖွဲ့ရဲ့ အစည်းဝေးဆုံးဖြတ်ချက်ထွက်ရှိမှသာ အရေးယူဆောင်ရွက်သွားမှာဖြစ်တယ်လို့လဲသိရပါတယ်။ သင်္ကြန်​အတွင်း​ ခရီးသည်​တင်​ ယာဉ်​လိုင်းများက ယာဉ်​စီးခပို​တောင်​းမှု ဟာနှစ်စဉ်နှစ်တိုင်းဖြစ်နေတာဖြစ်ပြီး တိုင်ကြားမှုတွေရှိနေပေမယ့် ထိထိရောက်ရောက်အရေးယူမှုတွေမလုပ်ဆောင်တာကြောင့် ယခုတိုင်ဆက်လက်ဖြစ်နေတာဖြစ်တယ် လို့လဲ ခရီးသွားပြည်သူတချို့က ပြောဆိုနေကြပါတယ်။  

Auto News