May 23, 2018

We ❤️ New Cars!

New Car News in Burmese

YBS ယာဉ်တွေနယ်ကျော် အော်ဒါလိုက်မောင်းနှင်ပါက ဉပဒေအရအရေးယူခြင်းခံရမည်

ရန်ကုန်မြို့အတွင်း နယ်ကျော်အော်ဒါလိုက်မောင်းနှင်နေတဲ့ YBS ယာဉ်တွေကို ယာဉ်လိုင်းပြေးဆွဲခွင့်နဲ့ CNG ထုတ်ယူခွင့်ကို ဉပဒေအရပိတ်သိမ်းသွားမှာဖြစ်တယ်လို့ ရန်​ကုန်​တိုင်း​ဒေသကြီး အများပြည်​သူ သယ်​ယူပို့​ဆောင်​​ရေး ကြီးကြပ်​မှုအာဏာပိုင် ကနေသိရှိရပါတယ်။ လက်ရှိရန်ကုန်တိုင်းဒေသကြီးမှာ ခရီးသည်တင်ယာဉ်တွေကိုပေးအပ်ထားတဲ့ လုပ်ငန်းလိုင်စင်ဟာရန်ကုန်မြို့တွင်းမှာသာ ပြေးဆွဲခွင့်ပြုထားတာဖြစ်ပါတယ်။ နယ်ကျော်ပြီးပြေးဆွဲနေတဲ့ ခရီးသည်တင်ယာဉ်တွေကို တွေ့ရှိပါက ယာဉ်လိုင်းပြေးဆွဲခွင့်နဲ့ CNG ထုတ်ယူခွင့်ကို ဉပဒေအရ ပိတ်သိမ်းသွားမှာပဲဖြစ်ပါတယ်။ အများပြည်​သူသယ်​ယူပို့​ဆောင်​​ရေး ကြီးကြပ်​မှု အာဏာပိုင်​အဖွဲ့ တာဝန်​ရှိသူတစ်​ဦးကလည်း နယ်ကျော်အော်ဒါလိုက်မောင်းနှင်မှုနဲ့ပတ်သက်ပြီး “တစ်​ချိူ့ YBS ကား​တွေက နယ်​​ကျော်​ပြီး​ပြေးဆွဲ​နေတာရှိ​နေတယ်။​ အရင်​က​တော့ ဒဏ်​​ကြေးနဲ့ပဲ အခု ယာဉ်​လိုင်​း​ပြေးဆွဲတာနဲ့ CNG ကိုလည်​း ပိတ်​သိမ်​းသွားမယ်​။“ လို့ပြောကြားခဲ့တာဖြစ်ပါတယ်။ ရန်ကုန်မြို့အတွင်းမှာပြေးဆွဲနေတဲ့ YBS ယာဉ်တွေထဲမှာ တချို့ယာဉ်တွေဟာ နယ်ကျော်ပြေးဆွဲနေတာဖြစ်ပြီး လက်ရှိမှာ နယ်ကျော်ပြေးဆွဲခဲ့သောယာဉ် ၂၅ စီးကို ဉပဒေအရအရေးယူပြီးပြီဖြစ်ကြောင်းလည်းသိရှိရပါတယ်။

Auto News

လာမယ့်အတာသင်္ကြန်အတွက် ယာဉ်ထိန်းရဲအင်အား ၁ ထောင်ကျော်တာဝန်ထမ်းဆောင်သွားမည်ဟုဆို

မကြာခင်ကျရောက်လာမယ့်ရန်ကုန်သင်္ကြန်မှာ ယာဉ်စည်းကမ်း၊ လမ်းစည်းကမ်းနဲ့ အများပြည်သူတို့လုံခြုံမှုအတွက် ကျန်းမာရေးအရခွင့်ယူသူတွေနဲ့ သင်တန်းကာလခွင့်ယူသူတွေ ကလွဲပြီး ယာဉ်ထိန်းရဲအင်အား ၁၀၄၉ ယောက်အထိ တာဝန်ထမ်းဆောင်သွားမှာဖြစ်တယ်လို့ အမှတ် ၂ ယာဉ်ထိန်းရဲတပ်ဖွဲ့ခွဲမှူးရုံးက ပြောကြားထားတာဖြစ်ပါတယ်။ ယာဉ်ထိန်းရဲအင်အား ၁၀၄၉ ယောက်တို့ ဟာ ရန်ကုန်တိုင်းဒေသရဲ့ အင်အားအကုန်ဖြစ်ပြီး အရာရှိ ၁၉၇ ယောက် အပါအဝင်ဖြစ်တယ်လို့ ဒုရဲမှူးသိန်းဉီးကပြောကြားခဲ့ပါတယ်။ ယာဉ်ထိန်းရဲတွေကို အများပြည်သူအပန်းဖြေတဲ့နေရာတွေ၊ မဏ္ဍပ်ရှေ့ နေရာတွေ၊ မီးပွင့်လမ်းဆုံလမ်းခွတွေ၊ မဏ္ဍပ်အလွန်အရှိန်ပြင်းပြင်းနဲ့မောင်းရင် သတိပေးနိုင်တဲ့နေရာမျိုးတွေမှာ စောင့်ကြပ်ရှု့သွားမှာပါ။ ဒါ့အပြင် ယာဉ်မှုစစ်တာဝန်၊ သူနာပြုတာဝန်တွေသာမက အရေးပေါ်အခြေအနေတွေ အတွက်လည်း ပြင်ဆင်ထားပါသေးတယ်လို့လဲ ဒုရဲမှူးသိန်းဉီးကပြောကြားခဲ့ပါသေးတယ်။ သင်္ကြန်အတွက်တာဝန်ပေးအပ်ခြင်းခံရတဲ့ ယာဉ်ထိန်းရဲမှူးတွေဟာ နံနက်ရေစတင်ကစားချိန်ကနေစပြီး ညပိုင်းဖျော်ဖြေရေးအစီအစဉ်ပြီးတဲ့အချိန်ထိ တာဝန်ထမ်းဆောင်သွားမှာဖြစ်ပါတယ်။ အခုလို လုံခြုံရေးဘက်ပိုင်းမှာ သေသေချာချာကို စီစဉ်ဆောင်ရွက်ထားတာဖြစ်တာကြောင့် မိဘပြည်သူတို့ အနေနဲ့ အတာသင်္ကြန်ကာလမှာ အေးအေးချမ်းချမ်းပျော်ပါးနိုင်တော့မှာဖြစ်ပါတယ်။   Via

Auto News

နယ်လိုင်စင်ရပြီး Brand New ကားများအတွက် ရန်ကုန်လိုင်စင်YVQC လက်မှတ်စနစ်ကိုအရေအတွက်တစ်ခုအထိပြန်လည်ခွင့်ပြုပြီ

ပြီးခဲ့တဲ့ ဖေဖော်ဝါရီလတုန်းက နယ်လိုင်စင်ရပြီးသားကားတွေ ရန်ကုန်လိုင်စင် YVQC လက်မှတ်စနစ်ပြန်လည်ရရှိဖို့ကိုခဲယဉ်းသွားမယ်ဆိုတဲ့ သတင်းတွေထွက်ရှိခဲ့တာဖြစ်ပြီး အခုမတ်လမှာတော့ နယ်လိုင်စင်ရပြီးသားကားတွေကိုလည်း ရန်ကုန်လိုင်စင် YVQC လက်မှတ်စနစ် အရေအတွက်တစ်ခုအထိပြန်လည်ခွင့်ပြုပေးမယ်ဆိုတဲ့သတင်းထွက်ရှိလာခဲ့တာပဲဖြစ်ပါတယ်။ နယ်လိုင်စင်ရ ပြီး Brand New ကားတွေအတွက်သာ ဖြစ်ပါတယ်။ နယ်လိုင်စင်ရပြီး ကားအဟောင်းလေးတွေအတွက်ကတော့ စဉ်းစားဖို့အစီအစဉ်ဆွဲနေဆဲပါ။ ဒီအကြောင်းနဲ့ပတ်သက်ပြီး ရန်​ကုန်​လိုင်​စင်​စနစ်​ခွင့်ပြုရန်​ တာဝန်​ယူလုပ်​​ဆောင်​နေသူ အရာရှိကြီးတစ်​ဦးကလည်း အောက်ပါအတိုင်းပြောကြားခဲ့တာဖြစ်ပါတယ်။ “ကားအသစ်တွေကိုဉီးစားပေးပြီးမှ နယ်လိုင်စင် Brand New ကားတွေကိုအရေအတွက်တစ်ခုပေးမှာပါ။ အဓိက က ကားအသစ်တင်သွင်းထားတဲ့သူတွေကိုပဲ စဉ်းစားတာပါ။ ကားဟောင်းတွေကို အရေအတွက်တစ်ခုပေးဖို့နောက်မှ စဉ်းစားမှာ၊ ဒါကလည်း မှတ်ပုံတင်လုပ်ဆောင်ပေးနေတဲ့ အဖွဲ့တွေနဲ့ပြန်ဆွေးနွေးရမှာပါ။” နယ်လိုင်စင် Brand new ကားတွေထက် အသစ်တင်သွင်းထားတဲ့ ကားအသစ်တွေကို အများကြီးဉီးစားပေးထားတာကို ဒီပြောကြားချက်ကနေသိရှိနိုင်မှာပါ။ နောက်တစ်ခုက နယ်လိုင်စင်ကားများအနေနဲ့ ရန်ကုန်လိုင်စင် YVQC လက်မှတ်ဝယ်ယူပြီးရင်တော့ […]

Auto News

လိုင်စင်မဲ့ကားတွေကို အိမ်ရာအထိလာရောက်ဖမ်းဆီးသွားမည်ဟုသတင်းထွက်ရှိ

ရန်ကုန်မြို့မှာ လိုင်စင်မဲ့ယာဉ်တွေရှိနေကြောင်းသတင်းရရှိတာနဲ့ တစ်ပြိုင်နက် နေအိမ်အထိလာရောက်ဖမ်းဆီးသွားမယ်ဆိုတဲ့ အကြောင်းကို ရန်ကုန်တိုင်းယာဉ်ထိန်းရဲတပ်ဖွဲ့မှူးရုံးကနေတဆင့် သိရှိရပါတယ်။ အရင် ၂၀၁၇ ခုနှစ်တစ်နှစ်လုံးမှာ လိုင်စင်မဲ့ယာဉ်ပေါင်း ၁၄၉ စီးအထိဖမ်းဆီးခံရပြီး လိုင်စင်မဲ့ယာဉ်အများဆုံးရှိနေတဲ့နေရာဒေသကတော့ မွန်ပြည်နယ်လို့ဆိုထားပါတယ်။ ယခု ၂၀၁၈ ခုနှစ်အတွင်းမှာလည်း အရင်နှစ်ကလို လိုင်စင်မဲ့ကားတွေကိုထပ်မံဖမ်းဆီးခဲ့ရာရန်ကုန်မြို့အတွင်း မှာပဲ ယာဉ်ပေါင်း ၂၀ ကျော်အထိဖမ်းဆီးနိုင်ခဲ့ပြီး လိုင်စင်မဲ့ဖြစ်နေတဲ့အများဆုံးဖြစ်နေတဲ့ယာဉ်ကတော့ အိမ်စီး ဆလွန်းကားအမျိုးအစားတွေပဲဖြစ်တယ်လို့ထပ်မံသိရှိခဲ့ရပါသေးတယ်။ လိုင်စင်မဲ့ယာဉ်တွေလိုက်လံဖမ်းဆီးမှုနဲ့ပတ်သက်ပြီး ရန်ကုန်တိုင်းဒေသကြီး အမှတ် ၂ ယာဉ်ထိန်းရဲ့တပ်ဖွဲ့မှူးရုံးကအရာရှိတစ်ဉီးကလည်း အခုလိုမျိုးပြောကြားခဲ့ပါတယ်။ “လိုင်စင်မဲ့ ​​ကား​တွေဟုတ်​မဟုတ်​ဆိုတာ စစ်​​ဆေးတဲ့ ဆော့ဝဲလ်​ရှိ​ပါတယ်​။ ခြံဝန်​း​တွေထဲမှာ လိုင်​စင်​မဲ့ကား​တွေကို တိတိကျကျ သတင်​း​ပေးရင်​​တော့ ဝင်​​ရောက်​ဖမ်​းဆီးသွားမှာပါ။ လိုင်​စင်​မဲ့ကားရှိတယ်​ဆိုတဲ့ သတင်​းကမှား​နေရင်​​တော့ ဝင်ပြီးရှာရတာ ​မလွယ်​ဘူး” အခုအချိန်ဟာတော့ လိုင်စင်မဲ့ယာဉ်ပိုင်ရှင်တွေ သတိအထားသင့်ဆုံးအချိန်လို့ပဲဆိုချင်ပါတယ်။ အကြောင်းအမျိုးအမျိုးကြောင့် ကားလိုင်စင် မလုပ်ရစေးဘူးဆိုရင်လည်း အမြန်ဆုံးသွားရောက်လုပ်ကြဖို့ တိုက်တွန်းလိုက်ပါတယ်။

Auto News

သက်တမ်း၂၀ နှစ်ပြည့်ကားများကို ယာဉ်အိုယာဉ်ဟောင်းအဖြစ်မအပ်နှံပါကအခွန်နှုန်းထားကောက်ခံခြင်းခံရမည်

ရန်ကုန်က သက်တမ်း ၂၀ ပြည့်ပြီးသားကားတွေဖြစ်တဲ့ ၁၉၉၈ မော်ဒယ်အောက်ကားတွေကို ယာဉ်အိုယာဉ်ဟောင်းအဖြစ် သွားရောက်မအပ်နှံရင် အခွန်နှုန်းထားပေးဆောင်ရမှာပဲဖြစ်ပါတယ်။ ၁၉၉၈ မော်ဒယ်ကားတွေရဲ့အခွန်ကိစ္စနဲ့ပတ်သက်ပြီး ရန်ကုန်လိုင်စင် YVQC စနစ်လုပ်ဆောင်နေသူ တာဝန်ရှိသူတစ်ဉီးကလည်းအောက်ပါအတိုင်းပြောကြားထားပါတယ်။ ” ရန်​ကုန်​လိုင်​စင်​​ကို ခွဲတန်​းလက်မှတ်​​စနစ်​နဲ့​ ရောင်​းတဲ့အခါမှာ ရန်​ကုန်​မှာရှိ​နေတဲ့ နယ်​လိုင်​စင် ကား​တွေ​ရော၊ သက်​တမ်​း နှစ်​ ၂၀ ပြည်​့ပြီးကား​တွေကိုရော အခွန်​​ကောက်​တာ​တွေလုပ်​သွားမှာပါ။ ဒါကလည်​း အ​စတည်​းက ရာထားပြီး သားဖြစ်​ပါတယ်​။ အစိုးရအဖွဲ့ကို အဆင့်ဆင့် ​​တင်​ပြပြီးမှ လုပ်​ရမှာပါ။ ” Source :carsdb ၁၉၉၈ မော်ဒယ်ကားတွေမောင်းနှင်သူတွေကတော့ တော်တော်ရှားလှပါတယ်။ ကားဟောင်း အခွန်စနစ်ကလည်း မစတင်သေးတာကြောင့် သက်တမ်း ၂၀ အောက်ကားမော်ဒယ် ပိုင်ရှင်တွေအနေနဲ့ မိမိရဲ့ကားကို ယာဉ်အိုယာဉ်ဟောင်းအဖြစ်အပ်နှံဖို့အချိန်ကောင်းပါပဲ။ (အခွန်မဆောင်ချင်ရင်ပေါ့) ရန်​ကုန်​လိုင်​စင်​အတွက်​ Yangon Vehicle Quota […]

Auto News

နယ်လိုင်စင်ရပြီးကားများ ရန်ကုန်လိုင်စင် YVQC လက်မှတ်ပြန်လည်ဝယ်ယူဖို့ခဲယဉ်းသွားမည်

ရန်ကုန်လိုင်စင် YVQC လက်မှတ်ပြန်လည်ဝယ်ယူချင်နေတဲ့ နယ်လိုင်စင်ရကားအရေအတွက်တွေကများလွန်းတာ၊ ရန်ကုန်ကို တခြားပြည်နယ်နဲ့တိုင်းဒေသကြီးကကားတွေအများအပြားဝင်ရောက်လာမှာ နဲ့ YVQC ခွဲတမ်းလက်မှတ်တွေကို အသစ်ရောက်ရှိလာတဲ့ကားအရေအတွက်ကိုသာ ဉီးစားပေးမှု အစရှိတဲ့အကြောင်းတရားတွေကြောင့် နယ်လိုင်စင်ရပြီးကားများအနေနဲ့ ရန်ကုန်လိုင်စင် YVQC လက်မှတ်ပြန်လည်ဝယ်ယူဖို့ ထင်ထားတာထက်ပိုမိုခဲယဉ်းတော့မှာဖြစ်ပါတယ်။ ရန်​ကုန်​လိုင်​စင် YVQC စနစ်​ လုပ်​​ဆောင်​​နေသူ တာဝန်​ရှိသူတစ်​ဦးကလည်းအောက်ပါအတိုင်းပြောကြားခဲ့ပါတယ်။ “နယ်​လိုင်​စင်​ရပြီးသားကား​တွေ လတ်​မှတ်​ဝယ်​ပြီး ရန်​ကုန်​လိုင်​စင် ပြန်​လိုချင်​တယ်​ဆိုရင်​ ​နောက်​ပိုင်​းမှာ တစ်​ဖြည်​းဖြည်​း စဉ်းစား​ပေးမှာပါ။ ​ ပြည်​နယ်​တိုင်​းတွေက ကား​တွေများတဲ့အတွက်​ ​နောက်​ပိုင်​းကျမှ​ရောင်​းချ​ပေးမယ်​့ ရန်​ကုန်​လိုင်​စင် YVQC စနစ်​ ခွဲတန်​းထဲက အ​ရေအတွက်​နဲ့ပဲ ခွင်​့ပြု​မှာပါ။” Source :www.carsdb.com YVQC စနစ်​ ခွဲတန်​းလက်မှတ်​ရဲ့ သက်​တမ်​းကို နှစ်​ ၂၀ အထိ သတ်​မှတ်​ထားပြီး စျေးနှုန်းကတော့ ကားရဲ့ အင်ဂျင်ပါဝါအလိုက်ကွာဟသွားမှာဖြစ်ပါတယ်။ အင်ဂျင်ပါဝါနဲ့ စျေးနှုန်းပြည့်ပြည့်စုံစုံကိုတော့ မနေ့ကတင်ထားတဲ့ […]

Auto News

စတေကာအမည်းတပ်ဆင်ထားသော အငှားယာဉ်များအရေးယူမှုမှာတစ်ပတ်အတွင်းအစီး ၅၀ ကျော်အထိတွေ့ရှိ

ရန်ကုန်မြို့အတွင်းမှာပြေးဆွဲနေတဲ့ အငှားယာဉ်တွေထဲက စကေတာအမည်းရောင်တပ်ဆင်ထားတဲ့ ယာဉ်တွေကိုအရေးယူမှုပြုလုပ်ရာတစ်ပတ်အတွင်းမှာပဲ ကားအစီးရေ ၅၀ ကျော်အထိတွေ့ရှိခဲ့တာဖြစ်ပါတယ်။ တွေ့ရှိထားတဲ့ ကားအစီး ၅၀ ကျော်ကိုတော့ ဥပဒေအရအရေးယူသွားမှာဖြစ်တယ်လို့ ရန်ကုန်တိုင်းယာဉ်ထိန်းရဲတပ်ဖွဲ့မှူးရုံးက ပြောကြားခဲ့တာပါ။ စတေကာအမည်းတပ်ဆင်မှုနဲ့ပတ်သက်ပြီး ပညာပေးအစီအစဉ်တွေကိုတော့ ဖေဖော်ဝါရီလ ၁ ရက်နေ့မတိုင်ခင်မှာပြုလုပ်ခဲ့တာဖြစ်ပြီး အရေးယူမှုကိုတော့ ဖေဖော်ဝါရီ ၁ ရက်နေ့ကမှ စတင်ခဲ့တာဖြစ်ပါတယ်။ စတေကာအမည်းတပ်ဆင်ထားတဲ့ အငှားယာဉ်တွေအနေနဲ့ မော်တော်ယာဉ်ပုဒ်မ ၆၅ နဲ့ အရေးယူခံရမှာဖြစ်ပြီး ဒဏ်ငွေအများဆုံး ၃ သောင်းအထိ ချမှတ်ခံရမှာဖြစ်ပါတယ်။ “စတေကာကပ်ထားတဲ့ တက္ကစီတွေကိုအရေးယူဖမ်းဆီးတာတွေလုပ်ပါတယ်။ ရန်ကုန်တိုင်းခရိုင်တွေမှာအရေးယူစစ်ဆေးတယ်။ အဓိက ကစတေကာကပ်ထားတာကိုဖမ်းဆီးမှာပါ” လို့ရန်ကုန်တိုင်းဒေသကြီးယာဉ်ထိန်းရဲတပ်ဖွဲ့မှူးရုံးတာဝန်ရှိသူတစ်ဉီးကပြောကြားခဲ့ပါတယ်။ စတေကာအမည်းတပ်ဆင်မှုတစ်ခုတည်း တင်မဟုတ်ပဲ ကြေညာကပ်တာ၊ လိုက်ကာတပ်ဆင်ထားတာ၊ လေစုပ်ခွက်ကပ်တာ အစရှိတာတွေ ပြုလုပ်ပြီး ဉပဒေနဲ့မလွတ်ကင်းတဲ့အရာတွေပြုလုပ်နေတာကိုလည်း ဖေဖော်ဝါရီ ၁ ရက်နေ့ကစတင်ပြီးလုပ်ငန်းလိုင်စင် ဖျက်သိမ်းတဲ့အထိအရေးယူသွားမှာဖြစ်တယ်ဆိုတဲ့အကြောင်းကို လည်းရန်ကုန်တိုင်းဒေသကြီး ယာဉ်စည်းကမ်းထိန်းသိမ်းရေးကြီးကြပ်မှုကော်မတီကလည်း သတိပေးနှိုးဆော်ခဲ့တာဖြစ်ပါတယ်။ အခုလိုစည်းကမ်းတင်းကြပ်မှုတွေကြောင့်ကျွန်တော်တို့မြန်မာနိုင်ငံက […]

Features

နယ်လိုင်စင်ယာဉ်ဟောင်းအပ်နှံမည့်ကားများ ရန်ကုန်လိပ်စာနဲ့အပ်နှံခွင့်ပိတ်သိမ်းလိုက်ပြီ!

နယ်လိုင်စင်ယာဉ်ဟောင်းအပ်နှံမည့်ကားများကို ရန်ကုန်လိပ်စာနဲ့အပ်နှံခွင့်ကိုတော့ ဖေဖော်ဝါရီလ ၁ ရက်နေ့ (မနေ့က) ကပဲပိတ်သိမ်းလိုက်ပြီဖြစ်ပါတယ်။ ကြေညာချက်ကိုတော့ ဇန်နဝါရီလ ၃၁ ရက်နေ့က ကုန်းလမ်းပို့ဆောင်ရေးညွှန်ကြားမှုဉီးစီးငှာနက ထုတ်ပြန်ခဲ့တာပါ။ “ပြည်​နယ်နဲ့​တိုင်​း​တွေက ယာဉ်​အိုယာဉ်​​ဟောင်​းအပ်​မယ်​့ကား​တွေကို ရန်​ကုန်​လိပ်စာ မ​ပေးဖို့ ရန်​ကုန်​တိုင်းဒေသကြီးအစိုးရအဖွဲ့က တင်​ပြခဲ့တာ​ကြောင်​့ ​ဖေ​ဖော်ဝါရီ ၁ ရက်​က စပြီး ရန်​ကုန်​အပ်​ကားမှ ရန်​ကုန်​လိပ်စာနဲ့ပဲ အပ်နှံပြီး တင်​သွင်​းလို့ရမှာပါ” လို့လဲ ကုန်​းလမ်းပို့​ဆောင်​​ရေးညွှန်​ကြားမှုဦးစီးဌာနမှ တာဝန်ရှိ သူတစ်​ဦးက ဇန်နဝါရီလ ၃၁ ရက်နေ့ကပြောကြားခဲ့တာဖြစ်ပါတယ်။   လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်ကလည်းအောက်ပါအတိုင်းပြောကြားခဲ့ပါတယ်။ “နယ်အပ်​​ကားများကို ရန်ကုန်လိပ်စာဖြင့် စလစ်ထုတ်ပေးနေတာကြောင့် မလိုအပ်ဘဲ နယ်ကားများ ရန်ကုန်သို့ တရားမဝင် ဝင်ရောက် နေသည့်ကိစ္စအား စိစစ်ဆောင်ရွက်ပေးရန် အစီအစဉ် ရှိ/မရှိ သိရှိလိုကြောင်း ၂၀၁၇ ခုနှစ် ဒီဇင်ဘာ ၁၃ ရက်၌ကျင်းပသည့် […]

Auto News

JOB ANNOUNCEMENT!

Recent Posts

Archives

Categories