August 18, 2019

We ❤️ New Cars!

New Car News in Burmese

မကြာခင် YBS Mini bus တွေနေရာမှာ စီးတီးဘတ်စ်ယာဉ်တွေနဲ့အစားထိုးတော့မည်

မကြာခင်ရောက်ရှိလာတော့မယ် ကဒ်ဖြင့်ယာဉ်စီးခပေးချေမှုပြုလုပ်ရမယ့်စနစ်ကြောင့် လက်ရှိရန်ကုန်တိုင်းဒေသ YBS ယာဉ်လိုင်းအတွင်းပြေးဆွဲလျက်ရှိနေတဲ့ မီနီဘတ်စ်ကားများကို မြို့ပြင်ပြောင်းရွေ့ပြီး အဲ့နေရာမှာ စီးတီးဘတ်စ်ယာဉ်ကြီးများနဲ့အစားထိုးပြေးဆွဲသွားတော့မှာဖြစ်တယ်လို့သိရပါတယ်။ ကဒ်နဲ့ယာဉ်စီးခပေးချေရတဲ့စနစ်ဟာ တံခါး ၁ ပေါက်သာပါဝင်တဲ့ YBS မီနီဘတ်စ်တွေအတွက် အခက်အခဲရှိတာမို့အခုလို ဆုံးဖြတ်ရကြောင်းလည်းသိရှိရပါတယ်။ ဒီအကြောင်းနဲ့ပတ်သက်ပြီး ရန်ကုန်တိုင်းဒေကြီးအများပြည်သူသယ်ယူပို့ဆောင်ရေးကြီးကြပ်မှုအာဏာပိုင်အဖွဲ့တာဝန်ရှိသူတစ်ဉီးက “မီနီဘတ်စ်ကားတွေကို မကြာခင်မြို့ပြင်နေရာတွေကိုပြောင်းလဲပြေးဆွဲလုပ်သွားမှာပါ။ YBS ကားတွေမှာယာဉ်စီးခပေးတဲ့ ကဒ်စနစ်လုပ်ရင် တံခါးတစ်ပေါက်ပဲပါတဲ့ မီနီဘတ်စ်ကားတွေအတွက်အခက်အခဲရှိတယ်။ အဲ့ကားတွေနေရာမှာ စီးတီးဘတ်စ်ကားတွေနဲ့အစားထိုးပြေးဆွဲပေးမှာပါ။” လို့ပြောကြားခဲ့ကြောင်းလည်းသိရပါတယ်။ လက်ရှိမှာရန်ကုန်မြို့အတွင်းပြေးဆွဲလျက်ရှိတဲ့ YBS မီနီဘတ်စ်ပေါင်း ၃၀၀ ကျော်အထိရှိနေကြောင်းသိရပါတယ်။

Auto News

ကိုယ်ထည်ထိခိုက်မှုအတွက်အကြီးစားပြင်ဆင်ခွင့်လျှောက်ထားမှုမှာ ရဲမှုပါပြီးစီးရမည်ဟုဆို

ကားရဲ့ဘေးတံခါး၊ အနောက်ဘက်အခြမ်းတွေထိခိုက်ရင်ပုံမှန်အတိုင်းပြင်ဆင်ခွင့်ရှိပေမယ့် ကိုယ်ထည် (သို့) ချယ်စီတစ်ဝိုက်ထိခိုက်မိရင်တော့ အကြီးစားပြင်ဆင်မှုလျှောက်ထားရမှာဖြစ်ပြီး ပြင်ဆင်မယ့်နေရာကို မှတ်တမ်းတင်ထားပြီး ရဲမှုပြီးမှသာပြန်လည်ပြင်ဆင်သွားနိုင်မှာဖြစ်တယ်လို့ ကုန်းလမ်းပို့ဆောင်ရေးညွှန်ကြားမှုဉီးစီးငှာနက ပြောကြားထားကြောင်းသိရှိရပါတယ်။ ယာဉ်တိုက်မှုကြောင့် ကိုယ့်ရဲ့ကားကိုယ်ထည်ထိခိုက်မှုဖြစ်သွားပြီဆိုရင်တော့ ကညနမှာအကြီးစားပြင်ဆင်မှုလုပ်ဆောင်ဖို့ လျှောက်ထားရမှာဖြစ်ပြီး ယာဉ်ကိုတစ်ခါတည်းယူဆောင်သွားပြီး ပြင်ဆင်ထားတဲ့နေရာကိုအမှတ်အသားပြုလုပ်ရမှာဖြစ်တယ်လို့သိရပါတယ်။ အဲ့လိုနည်းအတိုင်းဆောင်ရွက်မှုမရှိပဲ ကိုယ့်သဘောနဲ့ကိုယ် ကိုယ်ထည်ပြောင်းလဲမှုပြုလုပ်ထားရင်တော့ ယာဉ်မှတ်ပုံတင်ဖျက်သိမ်းခံရမှာဖြစ်သလို လိုင်စင်မဲ့ယာဉ်အဖြစ်သတ်မှတ်သိမ်းဆည်းသွားမယ့် အကြောင်းကိုလည်းသိရပါတယ်။ ဒီအကြောင်းနဲ့ပတ်သက်ပြီး – “ထိခိုက်မှုဖြစ်လို့ အကြီးစားပြင်ဆင်ခွင့်လျှောက်မယ်ဆိုရင် ဖြစ်ထားတဲ့ကားကို တစ်ပါးတည်းယူလာဖို့လိုတယ်။ ကားရဲ့ချယ်စီနေရာကိုထိလို့ပြင်တော့မယ်ဆိုရင်တော့ အကြီးစားပြင်ဆင်ခွင့်လျှောက်ရမယ်။ ဘယ်နေရာတွေပြင်ဆင်မယ်ဆိုတာကလည်း ဓာတ်ပုံအထောက်အထားပြရပါမယ်။ အဲ့ဒီပြင်ထားတဲ့နေရာကိုလည်း ကညန မှာအမှတ်အသားမှတ်တမ်းထားရှိထားမှာပါ။” လို့ပြောကြားထားကြောင်းလည်းသိရပါတယ်။

Auto News

နိုဝင်ဘာလအထိစစ်တမ်းအရ ၂၀၁၈ အတွင်းမှာ လိုင်စင်မဲ့ကားအစီးအရေ ၁၀၀ ကျော်ဖမ်းဆီးပြီးပြီဟုဆို

 အခု ၂၀၁၈ ခုနှစ်အစကနေ ပြီးခဲ့တဲ့ နိုဝင်ဘာအထိ စစ်တမ်းအရ ရန်ကုန်တိုင်းဒေသကြီးအတွင်းမှာလိုင်စင်မဲ့ယာဉ်ပေါင်း ၁၀၀ ကျော်ကို ဖမ်းဆီးရမိခဲ့ပြီဖြစ်ပြီး လိုင်စင်မဲ့ကားအများစုမှာလည်း မော်ဒယ်မြင့် အိမ်စီးကားအမျိုးအစားအများဆုံးဖြစ်နေတယ်လို့သိရပါတယ်။ လိုင်စင်မဲ့ကားဟုတ်/ မဟုတ်၊ ကုန်းလမ်းပို့ဆောင်ရေးညွှန်ကြားမှုဉီးစီးငှာနကထုတ်ပေးတဲ့ သတ်မှတ်ယာဉ်နံပါတ်ပြားဟုတ်/ မဟုတ် အစရှိတာတွေကိုတော့ အဖွဲ့ ၃၀ ဖွဲ့စည်းပြီး တစ်ရက်ကို ၁၀ ဖွဲ့နှုန်းနဲ့ စစ်ဆေးဖမ်းဆီးမှုတွေပြုလုပ်ခဲ့တာဖြစ်တယ်လို့သိရပါတယ်။  ဒီအကြောင်းနဲ့ပတ်သက်ပြီး ရန်ကုန်တိုင်းဒေသကြီးယာဉ်ထိန်းရဲတပ်ဖွဲ့မှူးရုံးရဲ့ တာဝန်ရှိသူတစ်ဉီးက  “ရန်ကုန်တိုင်းမှာ လိုင်စင်မဲ့ကားတွေကို စီမံချက်နဲ့ဖမ်းဆီးစစ်ဆေးနေတာလုပ်နေတယ်။ ဒီနှစ်ထဲမှာ ၁၁ လအတွင်းလိုင်စင်မဲ့ကား ၁၂၃ စီးအထိဖမ်းဆီးရရှိထားတယ်။ လိုင်စင်မဲ့ကားအများဆုံးဖမ်းဆီးရမိတာက အိမ်စီးကားတွေများတယ်။ မြို့အစွန်နေရာတွေမှာ အများဆုံးတွေ့ရတဘ်။ ကညနသတ်မှတ်နံပါတ်မပါပဲ မောင်းနှင်ကားက ၁၀ စီးလောက်ရှိတယ်။ သတ်မှတ်နံပါတ်ပြားမပါရင်လည်း ဖမ်းဆီးပါတယ်။” လို့ပြောကြားခဲ့ကြောင်းလည်းသိရပါတယ်။  လက်ရှိမှာတော့ လမ်းသွားကားတွေကိုသာစီမံချက်နဲ့ ဖမ်းဆီးနေတာဖြစ်ပြီး အိမ်ဝန်း၊ ခြံဝန်းထဲကိုဝင်ရောက်ဖမ်းဆီးတာမျိုးမရှိသေးကြောင်းလည်းသိရပါတယ်။

Auto News

ကားပါကင်နေရာမှာ မီးစက်နှင့် တခြား ပစ္စည်းကိရိယာထားခြင်းကို စည်ပင်ဉပဒေအသစ်ဖြင့် အရေးယူမည်ဟုဆို

ကားပါကင်နေရာမှာ မီးစက် (သို့) တခြားပစ္စည်းကိရိယာတွေထားတာနဲ့ လူအများသုံးစွဲနေတဲ့လမ်းပေါ်မှာ ကားရေဆေးတာ အစရှိတာတွေကိုပြုလုပ်ပါက စည်ပင်ဉပဒေအသစ်အရ ဒဏ်ငွေ ၅ သိန်း (သို့) ထောင်ဒဏ် ၃ လအထိချမှတ်အရေးယူခံရမှာဖြစ်တယ်လို့သိရပါတယ်။ စည်ပင်ဉပဒေအသစ်မှာဆိုရင် လမ်းစင်္ကြန်ပေါ်မှာ ညအိပ်ရပ်နားတာ၊ ကားရေဆေးတာနဲ့ ကားပါကင်နေရာမှာ မီးစက်၊ အခြားပစ္စည်းကိရိယာတွေထားတာ အစရှိတာတွေပြုလုပ်မယ်ဆိုရင် ဒဏ်ငွေ ၁ သိန်းကျပ်ကနေ ၅ သိန်းအထိ ပေးဆောင်နိုင်ရတယ်လို့ ပြောကြားထားကြောင်းသိရပါတယ်။ ကားရေဆေးလုပ်ငန်းလုပ်ကိုင်သူတွေအနေနဲ့ ကားရေဆေးတာပြုလုပ်မယ်ဆိုရင် ကားရေးဆေးခုံမှာသွားဆေးရမှာဖြစ်တယ်လို့ စည်ပင်ကပြောကြားထားကြောင်းလည်းသိရပါတယ်။ ဒီအချက်ကြောင့် ကားရေဆေးလုပ်ကိုင်သူအချို့ အခက်တွေ့နေကြောင်းကိုလည်းသိရှိရပါတယ်။ အခုလိုတင်းကျပ်လိုက်မှုကြောင့် အိမ်ရှေ့ဝန်းကျင်မှာ ကားပါကင်နေရာဉီးမှုတွေလျော့ကျသွားမှာဖြစ်ပြီး အကြောင်းမဲ့ရပ်နားထားမှုတွေလည်း အရေအတွက်တစ်ခုအထိလျှော့ကျသွားတော့မှာပဲဖြစ်ပါတယ်။

Auto News

စည်းကမ်းဖောက်ဖျက်တဲ့ YBS တွေကိုယာဉ်လိုင်းအတွင်းမှထုတ်ပယ်မည်ဟုဆို

ရန်ကုန်မြို့အတွင်းပြေးဆွဲလျှက်ရှိနေတဲ့ YBS ယာဉ်တွေကို အမှတ်ပေးစနစ်နဲ့ စောင့်ကြည့်မှုပြုလုပ်ပြီး ယာဉ်လိုင်းကနေ ထုတ်ပယ်မှုပြုလုပ်သွားမှာဖြစ်တယ်လို့ ရန်ကုန်တိုင်းဒေသကြီး အများပြည်သူသယ်ယူပို့ဆောင်ရေးကြီးကြပ်မှုအဖွဲ့က ပြောကြားထားကြောင်းသိရပါတယ်။ ဝန်ဆောင်မှုအပြည့်အဝ မပေးတဲ့ယာဉ်လိုင်းတွေ၊ YRTA ကသတ်မှတ်ထားတဲ့စည်းကမ်းချက်တွေကို လိုက်နာမှုမရှိတဲ့ယာဉ်လိုင်းတွေ အစရှိတာတွေကို အခုလိုအရေးယူမှုပြုလုပ်သွားမှာဖြစ်တယ်လို့သိရပါတယ်။ ဒီအကြောင်းနဲ့ပတ်သက်ပြီး YRTA ရဲ့တာဝန်ရှိသူတစ်ဉီးက “စည်းကမ်းဖောက်ဖျက်တဲ့ယာဉ်လိုင်းတွေကိုစောင့်ကြည့်တာလုပ်နေတယ်။ ဘယ်ယာဉ်လိုင်းက စည်းကမ်းပိုလိုက်နာသလဲဆိုတာ အမှတ်ပေးစနစ်နဲ့ဆုံးဖြတ်ပြီး ယာဉ်လိုင်းထဲကထုတ်ပယ်အရေးယူတာလုပ်မယ်။ တစ်ဉီးချင်းပိုင်ယာဉ်လိုင်းတွေလည်းလုပ်ငန်းလိုင်စင်လုပ်တာကို ကုမ္ပဏီယာဉ်လိုင်းတွေနဲ့ပူးပေါင်းလုပ်ဆောင်ရမယ်။” လို့ပြောကြားခဲ့ကြောင်းလည်းသိရပါတယ်။ ဒါ့အပြင်လက်ရှိမှာ ယာဉ်စီးခထည့်ဗုံး အသုံးမပြုပဲ ယာဉ်စီးခကောက်ခံမှုတွေ၊ ယာဉ်အကူရှိနေမှုတွေကို တွေ့ရှိပါက ယာဉ်လိုင်းအတွင်းမှထုတ်ပယ်တဲ့အထိအရေးယူမှုပြုလုပ်သွားမှာဖြစ်ကြောင်းလည်း သိရှိရပါတယ်။

Auto News

S370 ကားအသစ်ကိုမြန်မာနိုင်ငံစျေးကွက်မှာတရားဝင်မိတ်ဆက်လိုက်ပြီဖြစ်တဲ့ DFM Myanmar

DFM Myanmar ဟာတော့ S370 ကားအသစ်အတွက် ပြီးခဲ့တဲ့နိုဝင်ဘာလ ၃၀ ရက်နေ့က Showroom မှာ Launch event တစ်ခုပြုလုပ်ပြီး မြန်မာနိုင်ငံကားစျေးကွက်ထဲကိုတရားဝင်ခေါ်ဆောင်လာပြီဖြစ်ပါတယ်။ ၂၀၁၈ မော်ဒယ် S370 ဟာတော့ Multi Purpose Vehicle (MPV) ကားအမျိုးအစားဖြစ်ပြီး Leather အမျိုးအစား ထိုင်ခုံ ၇ လုံးပါဝင်ပါတယ်။ 2WD ဖြစ်ပြီး ၁၅၀၀ စီစီ ဓာတ်ဆီအင်ဂျင်အမျိုးအစားနဲ့ Electronic Parking Brake system တပ်ဆင်ထားမယ်လို့သိရပါတယ်။ ကားရဲ့ Dashboard ပိုင်းကလည်းသေသပ်လှပတဲ့ ဒီဇိုင်းတွေနဲ့ဖွဲ့စည်းတည်ဆောက်ထားပြီး ၇ လက်မအရွယ်ရှိတဲ့ Touch Screen TV ပါဝင်နေမယ်လို့လဲသိရပါတယ်။ ဒါ့အပြင် Speaker ၄ လုံး၊ Multi Media Player, […]

New Models

Dream Car Art Contest ကိုကြီးမှူးကျင်းပသွားမယ့် Toyota Motor Myanmar

Toyota Motor Myanmar ဟာတော့ Dream Car Art Contest ဆိုတဲ့ အနုပညာပြိုင်ပွဲတစ်ခုကို လာမယ့် ၂၀၁၈ ဒီဇင်ဘာ ၁ ရက်နေ့ Junction City Level 2 Main Atrium မှာဖွင့်ပွဲနဲ့အတူ နံနက် ၁၀ နာရီကနေ ည ၈ နာရီအထိ စတင်ကျင်းပသွားမှာဖြစ်ပါတယ်။ Dream Car Art Contest ဟာတော့ ကလေးငယ်တွေရဲ့ စိတ်ကူးထဲက ကားပုံရိပ်တွေကိုရေးဆွဲယှဉ်ပြိုင်ရမယ့် အနုပညာ ပြိုင်ပွဲတစ်ခုပဲဖြစ်ပါတယ်။ ကလေးငယ်တွေအနေနဲ့ ပြိုင်ပွဲဝင်လျှောက်လွှာတွေကို လာမယ့်စနေနေ့ ဒီဇင်ဘာ ၁ ရက်နေ့မှာကျင်းပမယ့် ပြိုင်ပွဲဖွင့်ပွဲကနေ ၂၀၁၉ ဖေဖော်ဝါရီ ၁၀ ရက်နေ့အထိ ပေးပို့နိုင်မယ်လို့သိရပါတယ်။ ပြိုင်ပွဲမှာဆိုရင် ၇ နှစ်နဲ့ ၇ […]

Auto News

စတေကာကပ်အငှားယာဉ်တွေကို လိုင်စင် ၁နှစ် ပိတ်သိမ်းမှု၊ လိုင်စင်အပြီးပိတ်သိမ်းမှုစတဲ့အပြစ်ဒဏ်တွေနဲ့အရေးယူမှုပြုလုပ်မည်ဟုဆို

လက်ရှိ ရန်ကုန်မှာ စတေကာတပ်ဆင်ပြီးမောင်းနှင်လျက်ရှိနေတဲ့ တက္ကစီတွေကိုအပြစ်ဒဏ်တွေနဲ့အရေးယူမှုပြုလုပ်သွားမှာဖြစ်တယ်လို့သိရပါတယ်။ AA, BB, CC အစရှိတဲ့ အက္ခရာအပူး ရာသက်ပန်တက္ကစီကားတွေကို လုပ်ငန်းလိုင်စင် ၁ နှစ်တိတိပိတ်သိမ်းအရေးယူသွားမှာဖြစ်ပြီး အက္ခပူးမဟုတ်တဲ့ ရာသက်ပန်မဟုတ်တက္ကစီတွေကိုတော့ လုပ်ငန်းလိုင်စင်အပြီးပိတ်သိမ်းသွားမှာဖြစ်သလို နံပါတ်အနီကနေ နံပါတ်အနက်ကိုလည်း ပြန်လည်ပြောင်းလဲသွားရမှာဖြစ်တယ်လို့ ကုန်းလမ်းပို့ဆောင်ရေး ညွှန်ကြားမှုဉီးစီးငှာနက ညွှန်ကြားထားကြောင်းသိရပါတယ်။ အခုလို စတေကာကပ်ထားတဲ့အငှားယာဉ်တွေ အရေးယူမှုကို ပြီးခဲ့တဲ့ ၂၀၁၈ ဖေဖော်ဝါရီလကတည်းကစတင်လုပ်ဆောင်နေတာဖြစ်ပြီး အခုဆိုရင်တော့ စတေကာကပ် တက္ကစီအစီးရေ ၆၀ ကျော်ကိုအရေးယူထားကြောင်းလည်းသိရပါတယ်။ ဒီအကြောင်းနဲ့ပတ်သက်ပြီး ကုန်းလမ်းပို့ဆောင်ရေး ညွှန်ကြားမှုဉီးစီးငှာန အရာရှိတစ်ဉီးက “ယာဉ်စည်းကမ်းဖောက်ဖျက်တဲ့ စတေကာကပ်တက္ကစီ ၆၆ စီးကိုလုပ်ငန်းလိုင်စင် ဖျက်သိမ်းဖို့တင်ပြထားတယ်။ စတေကာကပ်ထားတဲ့ တက္ကစီ ကားတွေကို အရေးယူဖို့တင်ပြထားတာနယ်နှင်တာလည်း မလုပ်ဘဲရာသက်ပန် တက္ကစီကား ၄၂ စီးကို ကားပြေးဆွဲခွင့်တစ်နှစ်ပိတ်သိမ်းပြီး ရာသက်ပန်မဟုတ်တဲ့ တစ်လုံးအက္ခရာကားတွေကို လုပ်ငန်းလိုင်စင်ပိတ်သိမ်းကာ နံပါတ် […]

Auto News

နိုင်ငံသားမှတ်ပုံတင်ယာယီကဒ်ပြားနဲ့ဆိုလျှင် (သ)ယာဉ်မောင်းလိုင်စင်သာရရှိမည်

ယာဉ်မောင်းလိုင်စင်ဖြေဆိုရာမှာ ယာယီနိုင်ငံသားမှတ်ပုံတင်ကိုင်ဆောင်ထားမယ်ဆိုရင် (ခ)ယာဉ်မောင်းလိုင်စင်ဖြေဆိုခွင့်ပြုသွားမှာမဟုတ်ပဲ (သ) ယာဉ်မောင်းလိုင်စင်သာရရှိမှာဖြစ်တယ်လို့ ကုန်းလမ်းပို့ဆောင်ရေး ညွှန်ကြားမှုဉီးစီးငှာနယာဉ်မောင်းလိုင်စင်ထုတ်ပေးရေးငှာနက ပြောကြားထားကြောင်းသိရပါတယ်။ (ခ)ယာဉ်မောင်းလိုင်စင်ရလိုသူအနေနဲ့ အသက် ၁၈ နှစ်ပြည့်ပြီး (သ)ယာဉ်မောင်းလိုင်စင်သက်တမ်း ၃ လ ပြည့်ပြီးသူဖြစ်ရပြီး သတ်မှတ်ထားတဲ့ယာဉ်မောင်းသင်တန်းတက်ရောက်အောင်မြင်ပြီးသင်တန်းဆင်းလက်မှတ် certificate ရရှိထားသူဖြစ်ရမှာပဲဖြစ်ပါတယ်။ ယာဉ်မောင်းသင်တန်းဆင်း လက်မှတ်အတွက် ကညနရုံးမှာ တက်ရောက်ပြီး Online ကနေ လျှောက်ထားဖြေဆိုနိုင်မှာဖြစ်တယ်လို့ဆိုထားပါတယ်။ ဒါ့အပြင် မြန်မာနိုင်ငံသား (သို့) ဧည့်သည်နိုင်ငံသား (သို့) နိုင်ငံသားပြုခွင့်ရသူနှင့် သတ်မှတ်ထားတဲ့ ကျန်းမာရေးအဆင့်အတန်း နဲ့ညီညွှတ်ရမှာဖြစ်ပြီး ယာဉ်မောင်းလိုင်စင်မှတ်ပုံတင်အဖွဲ့က သတ်မှတ်ထားတဲ့ စစ်ဆေးမှုတွေကိုလည်း အောင်မြင်ရမှာဖြစ်တယ်လို့လဲ သိရပါတယ်။ ယာဉ်မောင်းလိုင်စင်ဖြေဆိုမှုနဲ့ပတ်သက်ပြီး ကုန်းလမ်းပိုဆောင်ရေး ညွှန်ကြားမှုဉီးစီးငှာနက ” (ခ)ယာဉ်မောင်းလိုင်စင်ဖြေဆိုတာ နိုင်ငံသားမှတ်ပုံတင်ယာယီကဒ်ပြားနဲ့ ဖြေဆိုခွင့်ပြုမှာမဟုတ်ပါဘူး။ ယာယီကဒ်ပြားနဲ့တော့ မရပါဘူး။ သုံးခေါက်ချိုးကဒ်ပြားဆိုရင် ဖြေခွင့်ပေးပါတယ်။ ယာဉ်မောင်းလိုင်စင်ဖြေဆိုရင် နိုင်ငံသားစီစစ်ကဒ်ပြားရပါမယ်။ ယာဉ်မောင်းလိုင်စင်ဖြေဆိုရင် သင်တန်းဆင်းလက်မှတ် […]

Auto News

CarsDB Autoshow 2018 အတူ Driving Skill For Life ဆိုတဲ့ event ကိုကျင်းပသွားမယ့် Ford 

Ford ဟာတော့နှစ်စဉ်နှစ်တိုင်းကျင်းပလေ့ရှိနေတဲ့ Driving Skill For Life (DSFL) ဆိုတဲ့ event ကိုမနက်ဖြန် နိုဝင်ဘာလ ၁၇ ရက်နေ့၊ နေ့လည် ၁ နာရီ ၃၀ မိနစ် အချိန် Thuwunnabumi Event Park မှာ CarsDB Autoshow 2018 နဲ့အတူကျင်းပသွားမှာပဲဖြစ်ပါတယ်။ ပွဲကျင်းပရတဲ့ ရည်ရွယ်ချက်ကတော့ ပြီးခဲ့တဲ့အချိန်တုန်းက DSFL event တွေအတိုင်းပါပဲ။ International Automobile Trainer တွေရဲ့ Training တွေကိုတက်ရောက်ပြီး Automobile နဲ့သက်ဆိုင်တဲ့ ဗဟုသုတတွေတိုးမြှင့်လာအောင် နဲ့ Certificate တွေတစ်ခါတည်းရယူစေချင်တဲ့ ရည်ရွယ်ချက်နဲ့ကျင်းပမှာပဲဖြစ်ပါတယ်။ ဒါ့အပြင် Event မှာ Ford ရဲ့ Brand New ကားအသစ်ကြီးတွေကို စမ်းသပ်မောင်းနှင်နိုင်မယ့် […]

Auto News

JOB ANNOUNCEMENT!

Categories