May 23, 2018

We ❤️ New Cars!

New Car News in Burmese

လိုင်စင်မဲ့ကားတွေကိုထိထိရောက်ရောက်အရေးယူဖို့ ပြည်နယ်နဲ့တိုင်းဒေသကြီးအစိုးရအဖွဲ့တွေက နိုင်ငံတော်သမ္မတထံတင်ပြသွားမည်

နယ်စပ်ဒေသတွေကတဆင့် တရားမဝင် ဝင်ရောက်လာတဲ့ လိုင်စင်မဲ့ကားတွေကို ထိထိရောက်ရောက်အရေးယူနိုင်ဖို့ ပြည်နယ်နဲ့တိုင်းအစိုးရအဖွဲ့တွေက နိုင်ငံတော်သမ္မတဆီ တင်ပြသွားမှာဖြစ်တယ် လို့ စီးပွားရေးနှင့်ကူးသန်းရောင်းဝယ်ရေးဝန်ကြီးငှာနက တဆင့်သိရှိရတာဖြစ်ပါတယ်။ အခုလို နိုင်ငံတော်သမ္မတဆီ တင်ပြတာဟာ လိုင်စင်မဲ့ကားတွေကြောင့်သာမဟုတ်ပဲ တရားမဝင်တင်သွင်းလာတဲ့ ကုန်ပစ္စည်းတွေကို ထိန်းချုပ်ဟန့်တားဖို့အတွက်လည်း ဖြစ်တယ်လို့လဲသိရပါတယ်။ အရေးယူမှုနဲ့ပတ်သက်ပြီး စီးပွားရေးနှင့်ကူးသန်းရောင်းဝယ်ရေးဝန်ကြီးငှာန အရာရှိတစ်ဉီးက “လိုင်စင်မဲ့ကားတွေကို ထိထိရောက်ရောက်ဖမ်းဆီးဖို့ ပြည်နယ်နဲ့တိုင်းဒေသကြီး အစိုးရအဖွဲ့တွေကနိုင်ငံတော်သမ္မတထံတင်ပြဖို့ လုပ်နေကြတယ်။ လိုင်စင်မဲ့ကားတွေမှမဟုတ်ဘူး၊ နယ်စပ်က တရားမဝင်ရောက်လာတဲ့ကုန်ပစ္စည်းတွေကိုလည်း ထိန်းချုပ်ဖို့လုပ်နေတယ်။ နောက်ပိုင်းဆို တရားမဝင်ကားတွေသွားလာတာကို နိုင်ငံတကာလို တံတားတွေပေါ်ကနေပဲ ဖြတ်သန်းခွင့်ပြုမှာပါ။” လို့ပြောကြားခဲ့ပါသေးတယ်။ လိုင်စင်မဲ့ကားတွေ အများဆုံးဝင်ရောက်လာတဲ့နေရာကတော့ ထိုင်းနိုင်ငံ မြဝတီနယ်စပ်ကပဲဖြစ်ပါတယ်။ လက်ရှိမှာတာ့ တရားဝင်ရောက်ရှိလာတဲ့ ကားတွေကို မှုဝါဒတွေထုတ်ပြန်ပြီး အခွန်အခများကောက်ခံနေတာဖြစ်ပြီး တရားမဝင် ဝင်ရောက်လာတဲ့လိုင်စင်မဲ့ကားတွေကို ထိန်းချုပ်ထားနိုင်ခြင်းမရှိသေးကြောင်းကိုလည်း သိရှိရပါတယ်။

Auto News

All-new CX-3 ကားအသစ်ကိုမြန်မာနိုင်ငံမှာစတင်မိတ်ဆက်နေပြီဖြစ်တဲ့ Mazda

Mazda ဟာ CX-3 ကားအသစ်ကိုပြီးခဲ့တဲ့ရက် (မေလ ၁၇ ရက်နေ့) က Junction Square Shopping Mall မှာစတင်ကျင်းပခဲ့တဲ့ Road Show မှာပြသမိတ်ဆက်ခဲ့တာပဲဖြစ်ပါတယ်။ Road Show ကာလကတော့ မေလ ၁၇ ရက်နေ့ကနေ ၂၀ ရက်နေ့အထိပါ။ (မိတ်ဆွေအနေနဲ့သွားရောက်လည်ပတ်ဖို့အချိန်တွေရှိပါသေးတယ်နော်..) JS က Road Show မှာဆိုရင် All-new CX-3 အပြင်အလန်းစား Mazda ကားအချို့ကိုပါပြသနေတာဖြစ်ပါတယ်။ Road Show မှာ on fire ဖြစ်နေတဲ့ All-new CX-3 အကြောင်းလေးအနည်းငယ်ပြောပါရစေ။ CX-3 ဟာဆိုရင် ဂျပန်နိုင်ငံထုတ်ကားအမျိုးအစားဖြစ်ပြီး SKYACTIV-G အင်ဂျင် (ဒီဇယ်အင်ဂျင်) ပါဝင်ပြီး အင်ဂျင်ပါဝါ 2.0 အထိရှိပါတယ်။ Semi-Auto […]

Auto News

Grab Taxi Driver များရဲ့ ဖဲကြိုးဖြူလှုပ်ရှားမှု အကြောင်းရင်း

ရန်ကုန်မြို့တွင်းပြေးဆွဲနေတဲ့ Grab taxi ယာဉ်မောင်းသူများမှ Grab Myanmar ကို ဆန္ဒပြတဲ့လှုပ်ရှားမှုတစ်ခုဖြစ်တဲ့ ဖဲကြိုးဖြူလှုပ်ရှားမှုကို ယာဉ်မောင်းသူဉီးရေ ၁၀၀ကျော်နဲ့ လုပ်ဆောင်နေတယ်လို့ Yangon Taxi driver group မှတဆင့်သိရပါတယ်။ လှုပ်ရှားမှုမှာပါဝင်သူတွေဟာ မိမိကားမှာ ဖဲကြိုးအဖြူလေးကို စည်းနှောင်ထားကြပါမယ်။ ၂၀၁၆/၂၀၁၇ ခုနှစ်လောက်ကစပြီးတွင်ကျယ်လာတဲ့ taxi application တွေထဲက ဒီနှစ်အစောပိုင်းလောက်မှာ Uber က အရှေ့တောင်အာရှကထွက်ခွာသွားတဲ့နောက် ကြီးကြီးမားမားလုပ်ငန်းအနေနဲ့နေရာယူလာတဲ့ Grab ဟာ သူ့ရဲ့ ယာဉ်မောင်းသူတွေနဲ့အဆင်မပြေမှုတွေကြုံနေပုံရပါတယ်။ ဒီရက်ပိုင်း ဆီစျေးတွေကထိုးတက်တာနဲ့၊ Grab က ယာဉ်မောင်းတွေဆီကဝန်ဆောင်ခ 15% ကနေ 20% တိုးမြှင့်ပြောင်းလဲကောက်ခံတာနဲ့လဲတိုက်ဆိုင်သွားတာကြောင့်လဲဖြစ်နိုင်ပါတယ်။ ပြီးတော့ ယာဉ်မောင်းတွေအနေနဲ့ Grab က သူတို့အတွက် အာမခံမှုတွေ ဝန်ဆောင်မှုတွေသေချာမပေးနိုင်တာနဲ့ သူတို့အပေါ်ဆက်ဆံမှုတွေကို မကျေနပ်တာကြောင့် အခုလိုဆန္ဒပြရတာပါလို့ facebook […]

Auto News

မြန်မာပလာဇာမှာကျင်းပခဲ့တဲ့ Road Show ကာလအတွင်း ကားအစီးရေ ၈၀ ကျော်ရောင်းချနိုင်ခဲ့တဲ့ Toyota Myanmar

Toyota Myanmar အနေနဲ့ပြီးခဲ့တဲ့  မေလ ၄ ရက်နေ့ကနေ ၆ ရက်နေ့အထိ ၃ ရက်တိုင်တိုင် မြန်မာပလာဇာမှာ ကျင်းပခဲ့တဲ့ Toyota Road Show မှာ ကားအစီးရေ ၈၀ ကျော်ကိုရောင်းချနိုင်ခဲ့ပြီဖြစ်ပါတယ်။ Road Show ကာလအတွင်း Land Crusier, Fortuner, Vios, Camry, Double Cab, Extra Cab, Hiace, Corolla တို့အပြင် ပြည်တွင်းစျေးကွက်မှာ မိတ်ဆက်ခဲ့တာမကြာသေးတဲ့ ကားအသစ်လေး Toyota Avanza ကိုပါ ပြသရောင်းချခဲ့တာပဲဖြစ်ပါတယ်။ မိတ်ဆက်တာမကြာလှသေးတဲ့ Toyota Avanza ကတော့ MPV (Multi Purpose Vehicle) အမျိုးအစားဖြစ်ပြီး လူ ၇ ယောက်ကနေ ၈ ယောက်အထိ လိုက်ပါစီးနှင်နိုင်မှာဖြစ်ပါတယ်။ […]

Auto News

YBS ယာဉ်တွေနယ်ကျော် အော်ဒါလိုက်မောင်းနှင်ပါက ဉပဒေအရအရေးယူခြင်းခံရမည်

ရန်ကုန်မြို့အတွင်း နယ်ကျော်အော်ဒါလိုက်မောင်းနှင်နေတဲ့ YBS ယာဉ်တွေကို ယာဉ်လိုင်းပြေးဆွဲခွင့်နဲ့ CNG ထုတ်ယူခွင့်ကို ဉပဒေအရပိတ်သိမ်းသွားမှာဖြစ်တယ်လို့ ရန်​ကုန်​တိုင်း​ဒေသကြီး အများပြည်​သူ သယ်​ယူပို့​ဆောင်​​ရေး ကြီးကြပ်​မှုအာဏာပိုင် ကနေသိရှိရပါတယ်။ လက်ရှိရန်ကုန်တိုင်းဒေသကြီးမှာ ခရီးသည်တင်ယာဉ်တွေကိုပေးအပ်ထားတဲ့ လုပ်ငန်းလိုင်စင်ဟာရန်ကုန်မြို့တွင်းမှာသာ ပြေးဆွဲခွင့်ပြုထားတာဖြစ်ပါတယ်။ နယ်ကျော်ပြီးပြေးဆွဲနေတဲ့ ခရီးသည်တင်ယာဉ်တွေကို တွေ့ရှိပါက ယာဉ်လိုင်းပြေးဆွဲခွင့်နဲ့ CNG ထုတ်ယူခွင့်ကို ဉပဒေအရ ပိတ်သိမ်းသွားမှာပဲဖြစ်ပါတယ်။ အများပြည်​သူသယ်​ယူပို့​ဆောင်​​ရေး ကြီးကြပ်​မှု အာဏာပိုင်​အဖွဲ့ တာဝန်​ရှိသူတစ်​ဦးကလည်း နယ်ကျော်အော်ဒါလိုက်မောင်းနှင်မှုနဲ့ပတ်သက်ပြီး “တစ်​ချိူ့ YBS ကား​တွေက နယ်​​ကျော်​ပြီး​ပြေးဆွဲ​နေတာရှိ​နေတယ်။​ အရင်​က​တော့ ဒဏ်​​ကြေးနဲ့ပဲ အခု ယာဉ်​လိုင်​း​ပြေးဆွဲတာနဲ့ CNG ကိုလည်​း ပိတ်​သိမ်​းသွားမယ်​။“ လို့ပြောကြားခဲ့တာဖြစ်ပါတယ်။ ရန်ကုန်မြို့အတွင်းမှာပြေးဆွဲနေတဲ့ YBS ယာဉ်တွေထဲမှာ တချို့ယာဉ်တွေဟာ နယ်ကျော်ပြေးဆွဲနေတာဖြစ်ပြီး လက်ရှိမှာ နယ်ကျော်ပြေးဆွဲခဲ့သောယာဉ် ၂၅ စီးကို ဉပဒေအရအရေးယူပြီးပြီဖြစ်ကြောင်းလည်းသိရှိရပါတယ်။

Auto News

တရားဝင်မှတ်ပုံတင်ထားတဲ့ယာဉ် ဟုတ်/မဟုတ် ကို လတစ်လရဲ့ ၂၀ ရက်နေ့အထိသာစစ်ဆေးပေးတော့မည်

မော်တော်ယာဉ်အရောင်းအဝယ်ပြုလုပ်တဲ့အခါမှာအတည်ပြုဖို့ နဲ့ မိမိဝယ်ယူထားတဲ့ ယာဉ်ကလိုင်စင်မဲ့ ဟုတ်/မဟုတ် စစ်ဆေးမှုကို ကုန်းလမ်းပို့ဆောင်ရေးညွှန်ကြားမှုဉီးစီးငှာနရုံးအနေနဲ့ လတစ်လရဲ့ ၂၀ ရက်နေ့အထိသာစစ်ဆေးပေးသွားမှာဖြစ်ပါတယ်။ လာရောက်စစ်ဆေးတဲ့ ကားအစီးအရေအတွက်ဟာ တော်တော်လေးများပြားနေတာကြောင့် အခုလို ရက်သတ်မှတ်လိုက်ရတာဖြစ်တယ်လို့ သိရပါတယ်။ ဒီအကြောင်းနဲ့ပတ်သက်ပြီး ကုန်းလမ်းပို့ဆောင်ရေး ညွှန်ကြားမှုဉီးစီးငှာနအကြီးတန်းအရာရှိတစ်ဉီးက – “ယာဉ်မှန်/မမှန် လာစစ်တဲ့ကားတွေက အရမ်းများလာတယ်။ ဒါကြောင့် နေ့လယ် ၁ နာရီနောက်ပိုင်းမှပဲ ယာဉ်စစ်ဆေးတာပြုလုပ်ပေးသွားမယ်။ လကုန်ခါနီးမှာတစ်ခြားသက်တမ်းတိုးတဲ့ ကားတွေလည်းများလာတယ်။ ရုံးလုပ်ငန်းတွေလည်း ရှိသေးလို့ လတစ်လရဲ့ ၂၀ ရက်နောက်ပိုင်းနဲ့ လကုန်ရက်တွေမှာ ယာဉ်မှန်/ မမှန် စစ်ဆေးပေးတာကို မလုပ်ပေးတော့အပါဘူး” လို့ပြောကြားခဲ့ပါတယ်။ မှတ်ပုံမတင်ထားတဲ့ယာဉ်တွေကို တရားဉပဒေအတိုင်းအရေးယူဖမ်းဆီးသွားဖို့ရှိနေတာကြောင့် မော်တော်ယာဉ်မောင်းနှင်သူများအနေနဲ့ မိမိရဲ့ ယာဉ်ဟာ တရားဝင်မှတ်ပုံတင်ထားတဲ့ယာဉ် ဟုတ်/မဟုတ် စစ်ဆေးကြည့်ကြဖို့ အကြံပြုလိုက်ပါတယ်။  

Auto News

ရန်ကုန်က တက္ကစီကားတွေကို CNG စနစ်အစား LPG စနစ်ပြောင်းလဲဖို့မဖြစ်နိုင်သေး

ရန်ကုန်တိုင်းဒေသကြီးမှာ မောင်းနှင်လျက်ရှိနေတဲ့ တက္ကစီကားတွေကို CNG စနစ်ကနေ LPG စနစ်ပြောင်းလဲ အသုံးပြုသွားဖို့ လက်ရှိမှာ မဖြစ်နိုင်သေးကြောင်းကို စွမ်းအင်ဝန်ကြီးငှာနမော်တော်ယာဉ်သုံးသဘာဝဓာတ်ငွေ့ရောင်းချရေးငှာနက တဆင့်သိရှိရတာပဲဖြစ်ပါတယ်။ စွမ်းအင်ဝန်ကြီးငှာနမော်တော်ယာဉ်သုံးသဘာဝဓာတ်ငွေ့ရောင်းချရေးငှာန တာဝန်ရှိသူတစ်ဉီးက ” အပြင်​မှာထွက်​​နေသလို တက္ကစီတွေကို CNG က​နေ LPG ကို ​ပြောင်​းလဲမယ်​ဆိုတာ မဟုတ်​ပါဘူး။ လုပ်​ဖို့ကလည်​း မဖြစ်​နိုင်​​သေးဘူး။ တက္ကစီ​တွေကို အရင်​ထဲက CNG ​ပေးထားတဲ့ကား​တွေ ဖြစ်​​နေတာ။ တက္ကစီတွေအတွက်​ CNG ​ပေး​နေရတာ​တော့ များ​နေတယ်​။ ​နောက်​ပိုင်​းအသစ်​ဝင်​တဲ့ကား​တွေကို​တော့ CNG ချမ​ပေး​တော့ပါဘူး။“ လို့ပြောကြားခဲ့တာဖြစ်ပါတယ်။ လက်ရှိရန်ကုန်တိုင်းဒေသကြီးမှာ ရာသက်ပန်တက္ကစီတွေနဲ့ ရာသက်ပန်မဟုတ်တဲ့ အက္ခရာအငှားယာဉ် တက္ကစီ အစီးရေစုစုပေါင်း ၆ သောင်း ၈ ထောင်ကျော်ရှိနေပြီး CNG ဓာတ်ငွေ့အသုံးပြုနေတဲ့ ကားအစီးရေဟာ ၁ သောင်း ၆ ထောင်ကျော်သာရှိနေတယ်လို့ […]

Auto News

ခရီး အစ/အဆုံး အတွက်ငွေကြေးပိုမိုကောက်ခံနေတဲ့ မီနီဘတ်စ်ကားတွေကိုတိုင်ကြားဖို့ တိုက်တွန်းလိုက်တဲ့ YRTA

ရန်ကုန်တိုင်းဒေသကြီးမှာ ပြေးဆွဲနေတဲ့ YBS မီနီဘတ်စ်ကားတွေထဲက ခရီး အစ/အဆုံး စီးနင်းမှုအတွက် ငွေကျပ် ၃၀၀ အထိ သတ်မှတ်ယာဉ်စီးခထက် ပိုမိုကောက်ခံတဲ့ ကားတွေကို YRTA (Yangon Region Transport Authority) Hot line ဖုန်းနံပါတ်ကို တိုင်ကြားပေးဖို့ YRTA ကတိုက်တွန်းလိုက်ပြီဖြစ်ပါတယ်။ တိုင်ကြားခံရတဲ့ YBS ကားတွေကို YRTA ကထိထိရောက်ရောက် အရေးယူသွားမှာဖြစ်တယ်လို့လဲ သိရှိရပါတယ်။ လက်ရှိမီနီဘတ်စ်ကားတွေမှာ ကုမ္ပဏီယာဉ်လိုင်းအနေနဲ့မဟုတ်ပဲ တစ်ဉီးချင်းယာဉ်ပိုင်ရှင်များနဲ့ပြေးဆွဲနေမှုတွေရှိနေပါတယ်။ကုမ္ပဏီယာဉ်လိုင်းအနေရော၊ တစ်ဉီးချင်းယာဉ်ပိုင်ရှင်စနစ်နဲ့ ပြေးဆွဲနေတဲ့ YBS မီနီဘတ်စ်ကားတွေအားလုံးကို ယာဉ်ကြီးတွေနဲ့ အစားထိုးလဲလှယ်ပေးသွားမှာဖြစ်တယ်လို့လဲသိရှိရပါတယ်။ ဖော်ပြထားတဲ့ ကိစ္စတွေနဲ့ပတ်သက်ပြီး အများပြည်​သူသယ်​ယူပို့​ဆောင်​​ရေးကြီးကြပ်​မှု အာဏာပိုင်​အဖွဲ့ရဲ့ တာဝန်​ရှိသူတစ်​ဦးက ”မီနီဘတ်​စ်​ ကား​တွေကို ယာဉ်​စီးခပုံ​သေ ၂၀၀ အထိပဲ ​ကောက်​ဖို့သတ်​မှတ်​ထားတယ်​။ ၃၀၀ ​ကောက်​လာရင်​ တိုင်​ကြား​ပေးကြပါ။ ယာဉ်​စီးခ ပို​တောင်​းရင်​ […]

Auto News

လာမယ့် စနေနေ့မှာ စတင်ကျင်းပသွားဖို့ရှိနေတဲ့ BMW Myanmar ရဲ့ Test Drive Event

BMW Myanmar ဟာတော့ မတ်လ ၅ ရက်နေ့ လာမယ့် စနေနေ့မှာ Test Drive Event တစ်ခု စတင်ကျင်းပသွားဖို့ရှိတယ်လို့ကြေညာလိုက်ပြီဖြစ်ပါတယ်။ Event မှာ BMW ရဲ့ မော်ဒယ်အသစ်ကလေးတွေကိုလေ့လာနိုင်ရုံသာမက စမ်းသပ်မောင်းနှင်ခွင့်ပါရှိဉီးမှာဖြစ်တာကြောင့် ထူးခြားလှတဲ့ အတွေ့ကြုံတစ်ခုကို ရရှိသွားမှာတော့ အသေအချာပါပဲ။ ပွဲမှာမြင်တွေ့ရမယ့် BMW ကားမော်ဒယ်တွေကတော့ BMW 2 Series Gran Tour, BMW 3 Series Sedan, BMW 5 Series အသစ်, BMW X3 အသစ်, BMW X5 တို့ပဲဖြစ်ပါတယ်။ ဖော်ပြထားတာ ကားမော်ဒယ်တွေထဲက မိတ်ဆွေမောင်းချင်တဲ့ မော်ဒယ်တစ်ခုကို ရွေးချယ်ပြီးမောင်းနှင်နိုင်မှာပါ။ BMW Test Drive Event ကနေတဆင့် သွားရောက်စာရင်းပေးသွင်းရမှာဖြစ်ပြီး […]

Auto News

ကုန်းလမ်းပို့ဆောင်ဆက်သွယ်ရေးညွန်ကြားမှုဉီးစီးငှာနမှ ယာဉ်မောင်းလိုင်စင်ဖြေဆိုရုံးကို တိုးချဲ့သွားမည်

ကုန်းလမ်းပို့ဆောင်ရေးညွှန်ကြားမှုဉီးစီးငှာနက ယာဉ်မောင်းလိုင်စင်ဖြေဆိုရမယ့်နေရာကို မြင်သာကညနရုံး နဲ့ ရွာသာကြီးကညနရုံး တို့မှာသာမက မကြာခင် သန်လျင်မှာပါ နေရာထပ်မံတိုးချဲ့သွားဖို့ရှိတယ်လို့သိရပါတယ်။ သန်လျင်မြို့နယ်မှာ ထပ်မံတိုးချဲ့သွားမယ့် ယာဉ်မောင်းလိုင်စင်ဖြေဆိုရမယ့်ရုံးကတော့ မြေနေရာ ၄.၀၈ ဧကအထိ ကျယ်ဝန်းတယ်လို့လဲ သိရပါတယ်။ မြေနေရာတိုးချဲ့မှုနဲ့ ပတ်သက်ပြီး ကုန်လမ်းပို့ဆောင်ရေး ညွန်ကြားမှုဉီးစီးငှာန တာဝန်ရှိသူတစ်ဉီးက “အခုလက်ရှိ မြင်သာရုံးနဲ့ ရွာသာကြီးမှာ ရေးဖြေနဲ့ လက်တွေ့ဖြေဆိုတာကိုလုပ်ပေးနေတယ်။ ယာဉ်မောင်းလိုင်စင် လာပြီးဖြေဆိုတဲ့ လူဉီးရေကလည်း နောက်ပိုင်းများလာလို့ သန်လျင်ဘက်မှာ မြေနေရာရထားတယ်။ ယာဉ်မောင်းလိုင်စင်ဖြေဆိုတာကို တိုးချဲ့ထားရှိပေးသွားမှာဖြစ်ပါတယ်။” လို့ပြောကြားခဲ့ပါတယ်။ ဒါ့အပြင် ယာဉ်မောင်းလိုင်စင်ဖြေဆိုမည့်သူများ အနေနဲ့ သင်မောင်းလိုင်စင် ၃ လပြည့်ပြီး နံပါတ်အနက်ပြောင်းလဲရာမှာ ယာဉ်မောင်းသင်တန်းဆင်းလက်မှတ်ပြစရာ မလိုအပ်တော့ဘူးပဲဖြစ်ပါတယ်။ ဒါကတော့ ဖေဖော်ဝါရီလ ကတည်းကဖြေလျှော့ပေးထားတဲ့ ကိစ္စတစ်ခုပါ။ လက်ရှိယာဉ်မောင်းလိုင်စင်ဖြေဆိုချင်သူတွေအနေနဲ့ ကညနရုံးမှာ ယာဉ်မောင်းသင်တန်းတက်ပြီး အွန်လိုင်းကတဆင့် လျှောက်ထားပြီး ဖြေဆိုလို့ရနေပြီဖြစ်ပါတယ်။ […]

Auto News

JOB ANNOUNCEMENT!

Recent Posts

Archives

Categories